Solardyń biri – petropavldyq Darıa Borısko “Miss Global Beauty Queen 2019” baıqaýyna qatysý quqyǵyn ınstagram arqyly jeńip alǵan. Aıtýynsha, ótinishpen qosa fotosýretterin joldap, uıymdastyrýshylar talabynan shyqqan kórinedi. Qazir ol jattyǵý zalyna barýdy jıiletip, naǵyz babyna engen.
«Aptasyna 3 ret jattyǵamyn. Kardıoǵa, dıetaǵa kóp kóńil bólip júrmin. 3 aptanyń ishinde 5 kelige jýyq salmaq joǵalttym» deıdi Darıa.
Jattyǵý zalynan shyqqannan keıin boıjetken “Tomırıs” sán zalyna jol tartady. Munda ol kúndelikti defıle kórsetýge, sahnada ózin durys ustaýǵa mashyqtanady.
Konkýrs barysynda úzdik ulttyq kostıýmder de jurtshylyq nazaryna usynylady eken. Bul kezeńge de Darıa úlken jaýapkershilikpen ázirlenýde.
Tórtkúl dúnıeniń ár buryshynan jınalǵan arýlar sheberlik saǵattary men televızııalyq shoýlarǵa qatysady. Jergilikti juldyzdarmen tanysyp, kórikti jerlerdi aralaıdy.
Soltústik Qazaqstan oblysy
